Samuel Ibn Naghrilah

Samuel Ibn Naghrilah (yamado en ibrit שמואל הלבי, Shmuel haLevi, i en árabo إسماعيل بن النغريلة, Isma’il ibn anNaghrilah)¹ fue un ombre de estado, poeta i komandante de la armada i bashí de la komunitá djudía de Granada. Murió entre 1055 i 1056 en Granada.²

Vida

Samuel Ibn Naghrilah nasió en Kórdova en 993 a una famiya rika i edukada de los nobles de Kórdova, kapitala del kalifato.¹ Después del sakeo amazigh de Kórdova en 1013, Samuel i su famiya fuyeron a Málaga, porto ke estava basho kontrol del Reyno de Granada.² Enpero él no se kedó muncho tiempo en Málaga. Fue a morar en Granada, kapitala de la taifa, o mediná, ande lavoró komo eskritor i sekretario anónimo³ para el visir del rey de Granada. Antes de morir, el visir yevó a Samuel a la korte del rey. Akí él suvió a los puestos más altos. Después de la muerte del rey en 1037, tomó el trono su ijo, Badis.² Malkaré de ser solo el visir i el komandante de la armada de la taifa,⁴ Samuel era en realidad el rey de facto de Granada porke él dirijía la polítika y el estado militar de Granada.²

Batalyas

1038: Batalya kontra Almería – muere el rey de Almería i su visir es kapturado;⁵

1039: Batalya kontra Seviya – viktoria kontra uno de los enemigos más grandes de Granada;⁶

1041: Batalya de Arhona – su tersera batalla donde ganan kontra el primo del rey Badis ke kería robar el trono;⁷

Legado

Samuel yego a ser un djudio ke okupó los más altos puestos de la polítika de Granada i de al-Ándalus. Ama porke era el nagid (נגיד) de la komunitá djudía de Granada, también dirijió la akademia talmúdika. Basho este puesto, se dishe ke eskrivió la Introduksión al Talmud (Mevo haTalmud) i una konkordansia de la Biblia.²

Enpero, su legado más importante es su influensia en i a través de la poezía. Es yamado el padre de la mueva poezía en ibrit.⁸ Kon el kolpaso del Kalifato de Kórdova, munchas personas emigraron de sus sivdades de orijen; estas migrasiones masivas dentro de las muevas taifas del kalifato permitieron un interkambio de las ideas de diferentes sivdades, espesialmente en la múzika, poezía i filosofía.⁹ Akí es ke está la mayor kontribusión de Samuel Ibn Naghrilah. Anke no fue el primero en azerlo, Samuel usó motivos i modos de la poezía en árabo (ke era la más dezvelopada) en poezía en ibrit.¹⁰ Esta mueva poezía, ke trataba temas de gerra, relijión, amantes i asta temas omoerótikos sin muncho problem,¹¹ logró ke el ibrit fuera visto por la djente jeneral komo más ke una lingua relijiosa o liturjika, sino ke también komo una lingua migvan komo el árabo.¹²

Manaderos

1
páj. 103. Menocal, María Rosa. The Ornament of the World. ISBN 0-316-56688-8
2
Encyclopaedia Britannica. Samuel ha-Nagid. https://www.britannica.com/biography/Samuel-ha-Nagid.
3
páj. 104. Menocal, María Rosa. The Ornament of the World. ISBN 0-316-56688-8
4
páj. 101. Menocal, María Rosa. The Ornament of the World. ISBN 0-316-56688-8
5
pág. 101-102. Menocal, María Rosa. The Ornament of the World. ISBN 0-316-56688-8
6
páj. 101. Menocal, María Rosa. The Ornament of the World. ISBN 0-316-56688-8
7
páj. 101-102. Menocal, María Rosa. The Ornament of the World. ISBN 0-316-56688-8
8
páj. 106. Menocal, María Rosa. The Ornament of the World. ISBN 0-316-56688-8
9
páj. 106 – 107. Menocal, María Rosa. The Ornament of the World. ISBN 0-316-56688-8
10
páj. 107. Menocal, María Rosa. The Ornament of the World. ISBN 0-316-56688-8
11
páj. 107 – 108. Menocal, María Rosa. The Ornament of the World. ISBN 0-316-56688-8
12
páj. 109. Menocal, María Rosa. The Ornament of the World. ISBN 0-316-56688-8